04/09/2013 11:16:30

Përsëri drogë drejt Greqisë: 1.3 kg kokainë sekuestrohet në kufi

Policia po punon për të saktësuar origjinën e droges, ndërsa destinacioni ishte Athina (Greqi)

KAKAVIJË - Të paktën 1.3 kg kokainë, me vlerë mbi 1.5 milion euro, u bllokuan sot në mesditë në Kakavijë (foto), ndërsa transportuesi u ndalua, njoftoi policia kufitare e Gjirokastrës, në jug të vendit. "Kokaina u gjet e fshehur në hapësirën midis dy sedilieve të para, në automjetit tip “Ford” me targa AA 228 ER, me drejtues Kadri Kapaj, 45 vjeç, lindur dhe banues Fier, tashmë i ndaluar", thekson policia. "Policia po punon për të saktësuar origjinën e droges, ndërsa destinacioni ishte Athina (Greqi)", tha në linjë telefonike një drejtues i lartë i policisë kufitare. "Një proçedurë ligjore për paraburgimin e 45 vjeçarit tashmë ka nisur, ndërsa provat materiale i kaluan Prokurorisë së Krimeve të Rënda Tiranë për hetimet e mëtejshme", nënvizon policia.

HermesNews - ©2013

Dërgo me email | Stampo artikullin