03/09/2013 15:27:04

Izraeli, pasoja nëse sulmohemi

Netanyahu: ''Situata reale rreth nesh po ndryshon nga minuta në minutë dhe madje me hapa të dukshme për të gjithë, ndaj dua të ritheksoj edhe një herë për këdo apo cilindo që ka në plan të ndërmarrë hapa dëmtuese ndaj Izraelit''

TEL AVIV - Kryeministri izraelit, Benyamin Netanyahu ripërsëriti sot një paralajmërim mbi pasojat eventuale që do të kishte një sulm i kryer kundër shtetit të Izraelit. "Situata reale rreth nesh po ndryshon nga minuta në minutë dhe madje me hapa të dukshme për të gjithë, ndaj dua të ritheksoj edhe një herë për këdo apo cilindo që ka në plan të ndërmarrë hapa dëmtuese ndaj Izraelit, që të mos e bëjë këtë, as tani dhe as në të ardhmen, si të afërt dhe të largët'', u shpreh me tone të ashpra kreu i qeverisë të Tel Avivit. ''Një hap i tillë nuk është i këshillueshëm për asnjë palë apo askënd'', përfundoi ai duke veçuar se nëse një gjë e tillë do të ndodhte ''pasojat do të ishin drastike për të''.

HermesNews - ©2013

Dërgo me email | Stampo artikullin