03/09/2013 12:53:23

Xi Jinping, viziton Azinë Qëndore

Xi Jinping pritet të nënshkruajë gjatë turit të tij marrëveshje në sektorët e naftës, gazit natyror, transportit dhe investimeve

PEKIN - Presidenti kinez, Xi Jinping nisi sot një seri vizitash në Azinë Qendrore para takimit të "G 20"-ës, në Rusi, bënë të ditur burime mediatike vendase. "Xi Jinping nis udhëtimin e tij me një vizitë në Turkmenistan, para asaj në Shën Petërburg, për takimin më 5 dhe 6 shtator, të krerëve të shteteve dhe qeverive të "G 20"-ës. Më pas ai do të udhëtojë drejt Kazakistanit, Uzbekistanit dhe Kirgistanit", theksuan burimet mediatike vendase. Shtetet e Azisë Qendrore i përkisnin Bashkimit Sovjetik para shpërbërjes të këtij të fundit, por Kina dëshiron përforcimin e burimeve të energjisë duke zgjeruar ndikimin e saj në rajon. "Xi Jinping pritet të nënshkruajë gjatë turit të tij marrëveshje në sektorët e naftës, gazit natyror, transportit dhe investimeve", theksonte e përditshmja vendase "China Daily" duke cituar zëvendësministrin e Jashtëm kinez, Cheng Guoping. "Kina importon rreth 60 miliardë m3 gaz natyror nga Azia Qendrore që nga viti 2009", shtonte ndër të tjera e përditshmja. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin