31/08/2013 17:01:06

Berisha, presim drejtësi nga SHBA

Komenti i K/ministrit në Facebook ''Besojmë se SHBA, si vendi me përgjegjësi kryesore për paqen dhe sigurinë në botë, por edhe vendet e tjera të lira, kanë të drejtë dhe duhet të vendosin vlerat universale të mishëruara në Kushtetutat e tyre dhe Kartën universale të OKB-së''

TIRANE - K/ministri Sali Berisha ka reaguar lidhur me situatën në Siri, duke deklaruar se rruga e vetme për të mbrojtur OKB-në dhe Kartën e saj universale është tejkalimi i vetos së Këshillit të Sigurimit. "Siç faktojnë prova shumë të qarta, diktatori sirian Bashar al-Asad, ka përdorur gazin nervin dhe ka helmuar për vdekje mbi 1400 fëmijë, gra, burra, civilë të pambrojtur në lagjet e Damaskut", tha Berisha. Në profilin e Facebook, Berisha shkruan më tej: "Besojmë se SHBA, si vendi me përgjegjësi kryesore për paqen dhe sigurinë në botë, por edhe vendet e tjera të lira, kanë të drejtë dhe duhet të vendosin vlerat universale të mishëruara në Kushtetutat e tyre dhe Kartën universale të OKB-së". Na ndiqni dhe në Facebook

HermesNews - ©2013

Dërgo me email | Stampo artikullin