30/08/2013 18:26:33

Cameron ngre tonet me Sirine

''Është e rëndësishme të japim një kundërpërgjigje të fortë ndaj përdorimit të armëve kimike dhe ka një sërë gjërash që ne mund të vazhdojmë të bëjmë'', deklaroi David Cameron

LONDËR - Kryeministri britanik, David Cameron theksoi sot se megjithëse u përjashtua mundësia e pjesëmarrjes së Britanisë së Madhe në një ndërhyrje ushtarake në Siri pas votës së parlamentit britanik, ai do të angazhohej në përpjekjen për t'i dhënë një kundërpërgjigje të fortë përdorimit të armëve kimike. "Është e rëndësishme të japim një kundërpërgjigje të fortë ndaj përdorimit të armëve kimike dhe ka një sërë gjërash që ne mund të vazhdojmë të bëjmë", deklaroi David Cameron. "Ne do të vazhdojmë ta ngrejmë çështjen e Sirisë përpara Organizatës së Kombeve të Bashkuara, duke punuar me të gjithë organizatat në të cilat jemi anëtarë, qoftë me BE-në, NATO-n, G8-ën apo dhe G20-ën, për të dënuar atë që ndodhi në Siri", shtoi ai. "Është e rëndësishme të theksojmë ndalimin e përdorimit të armëve kimike", nënvizoi Cameron.

HermesNews - ©2013

Dërgo me email | Stampo artikullin