27/08/2013 17:10:51

Territori dhe punësimi: politikat e reja qeverisëse

Dita e dytë e konferencës Shqipëria e gjeneratës tjetër. Vendosja e kontrollit mbi territorin dhe transformimin e politikave urbane

TIRANË - Sfidat e ekonomisë dhe punësimi ishin në qëndër të ditës së dytë të konferencës Shqipëria e Gjeneratës tjetër (foto). Sfida më e madhe sipas Ramës është "vendosja e kontrollit mbi territorin dhe transformimin e politikave urbane në territor, në politika zhvillimi, dhe njëkohësisht të lidhjes me të gjithë politikën e zhvillimit ekonomik me atë ç'ka ndodh në territor.

Një model i ri për të rifilluar nga e para, është ajo që propozon kryeministri i shqiptarëve. Një model i cili bazohet tek "prodhimi, punësimi përmes investimeve prodhuese", por dhe transformimi i sistemit arsimor dhe rritja e cilësisë së arsimit profesional.

Mbi këtë model do të bëhet dhe modernizimi i fshatit. Krijimi e një turizmi që nuk do i lihet spontanitetit, por do kthehet në industri që prodhon mirëqënie dhe vende pune, është prioritare në qeverisjen e mazhorancës.

Reforma e sistemit qeverisës dhe institucioneve që lidhen me ekonominë dhe sipërmarrjen janë të domosdoshme për të ecur më shpejt drejt BE-së, por edhe me qëllimin që Europën e shumë ëndërruar, "ta ndërtojmë këtu", siç tha Rama. //HermesNews - ©2013//

Doriana Metollari

Dërgo me email | Stampo artikullin