27/08/2013 12:24:34

Shi dhe shtrëngata ! Shqiptarët përgatiten për vjeshtën

Shqipëria nën ndikimin e masave ajrore mesdhetare të paqëndrueshme

TIRANË - Moti në vend është shoqëruar me re dhe shira lokalë gjatë ditës së sotme, ndërsa temperaturat shënojnë ulje të lehtë. Dita e sotme do të karakterizohet nga temperatura që nuk do t’i kalojnë vlerat e 32 gradëve, ndërkohë që vlerat e ulëta të ajrit pritet të luhaten në 15 dhe 21 gradë celcius. Sipas Shërbimi meteorologjik ushtarak, moti parashikohet të jetë me re dhe diell në Berat, Vlorë, Sarandë, Korçë, Gjirokastër e Durrës, ndërsa pjesa tjetër e vendit do të ketë reshje lokale. Ditën e nesërme vendi do të ndikohet nga masa ajrore mesdhetare të paqëndrueshme. Moti me vranësira mesatare deri në të dendura do të shoqërojë ditën e nesërme, ndërsa do të ketë reshje shiu dhe në formë shtrëngatash gati në të gjithë vendin. Era do të jetë me drejtim Jugperëndim-Perëndim, me shpejtësi deri në 8m/sek. Ndërsa valëzimi në det do të jetë i forcës 3, me lartësi vale deri në 1.0 metra. Temperaturat do të shënojnë rënie në mesditë. Temperaturat e ajrit parashikohen të jenë në vendet malore 13 - 27 gradë celcius, në vendet e ulta, 17- 31gradë celcius, dhe në bregdet, 20- 31 gradë celcius.

HermesNews - ©2013

Dërgo me email | Stampo artikullin