27/08/2013 08:34:30

Shkëmbim zjarri në Shijak: vdes 36 vjeçari

Një grup personash kanë shkëmbyer zjarr dhe për pasojë njëri prej tyre, Ervin Kërtalla, 36 vjeç, ka vdekur disa orë më vonë si pasojë e plagëve të marra

SHIJAK - Një 36-vjeçar nga Shijaku ka mbetur i vrarë pas një konflikti me armë zjarri në qendër të qytetit. Burime zyrtare nga drejtoria e policisë së qarkut, bënë të ditur se ngjarja ka ndodhur mbrëmjen e kaluar, rreth orës 22.40, pranë godinës së Albtelekomit. Një grup personash kanë shkëmbyer zjarr dhe për pasojë njëri prej tyre, Ervin Kërtalla, 36 vjeç, ka vdekur disa orë më vonë si pasojë e plagëve të marra. Burimet shtuan se një person tjetër, D. V., lindur në Shijak dhe banues në Tiranë, ka mbetur i plagosur dhe aktualisht ndodhet në spital. Forcat e policisë po punojnë për të sqaruar dinamikën e krimit, identifikimin e personave të përfshirë në ngjarje dhe kapjen e autorëve-përfunduan burimet e policisë.

HermesNews - ©2013

Dërgo me email | Stampo artikullin