23/08/2013 16:57:07

''Kanceri'' shqiptar: dyndje denoncimesh online

''Kjo betejë...është e qeverisë së re. Ky kancer agresiv rrezikon të shkatërrojë potencialin e madh të zhvillimit turistik'', deklaron Rama

TIRANË - Numri i denoncimeve në faqen online të hapur nga kryesocialisti Edi Rama, "StopRrenimit.com" ka shkuar mbi 300. Fotografi të ndryshme si ndërtime në oborre shkollash, në lulishte e kate pa leje dhe ndërtime në zonat bregdetare kanë mbushur faqen e hapur më 16 gusht nga Kryeministri i ardhshëm, Rama. Duke prezantuar në rrjetin social Facebook nismën më të re për të bërë realitet kërkesën e tij ndaj qytetarëve për denoncimin e të gjitha ndërtimeve pa leje që janë bërë në vend, Rama shkruan se "Celulari juaj mund të bëhet një armë e pazëvendësueshme në këtë betejë mes inercisë së rrënimit dhe ëndrrës së Rilindjes Shqiptare. Kjo betejë...është e qeverisë së re. Ky kancer agresiv rrezikon të shkatërrojë potencialin e madh të zhvillimit turistik ", deklaron Rama.

HermesNews - ©2013

Dërgo me email | Stampo artikullin