23/08/2013 12:15:53

OKB, në Siri krim kundër njerëzimit

Ban ki-Moon paralajmëron për pasojat e rënda që do të kishte ky krim në Siri

SEUL - Përdorimi i armëve kimike në Siri, në qoftë se vërtetohet përbën "krim kundër njerëzimit", që do të kishte "pasoja të rënda", u shpreh sot sekretari i Përgjithshëm i OKB-së, Ban Ki-moon. "Një krim i tillë kundër njerëzimit do të kishte pasoja të rënda për atë që e kryen", deklaroi Ban Ki-moon pas një takimi në Seul. Ai i konsideroi informacionet mbi sulmet me armë kimike në Siri "tepër shqetësuese". Një ekip inspektorësh nga OKB-ja aktualisht ndodhet në Siri dhe Ban Ki-moon u ka bërë thirrje autoriteteve të vendit, që të bashkëpunojnë për hetimin e këtyre sulmeve, që ndodhën pranë Damaskut. Opozita siriane theksoi dje se regjimi kishte vrarë të paktën 1 300 persona gjatë një sulmi me armë kimike pranë Damaskut, gjë që regjimi e ka mohuar.

Video e viktimave të sulmit me armë kimike: pamje të rënda

HermesNews - ©2013

Dërgo me email | Stampo artikullin