22/08/2013 08:10:39

Supë me patate të ëmbla dhe qumësht kokosi

nga Brunhilda Çela

Sekretet e aromave të Brunhildës 2 fileto pule deti (rreth 200 g)
2 lugë gjellë vaj ulliri
1 luge çaji spec djegës (në recetë është përdorur pluhur i imët unë përdora atë që është i ashpër dhe me fara e përzieva dhe me pak spec të kuq pluhur normal)
1 tufë jo shumë të madhe qepe të njoma
2 thelba hudhrash
1 copë xhenxhefill (rreth 30 gr) e ka receta unë pjesës sime nuk i vura se nuk e pëlqej djalit ia vura se ai e ka qejf (ju vendosni vetë do bëni vini apo jo)
1 patate e ëmbël (peshonte rreth 500 g e paqeruar)
1 domate nga ato të mishtat e pjekur shumë shamshai i themi ne në Fier (rreth 150 g) ia hoqa farat domates vura vetëm tulin
500 ml lëng pule
200 ml qumësht kokosi
kripë, piper
2 karota
½ Lime (me saktë lëngu i limes, po nuk patet lime jeshile merrni limon)
1 tufë e vogël manzurante të freskët (e kam në ballkon të fresket, por ju mund të merrni dhe majdanoz).

Përgatitja: Në fillim fare marinova mishin me specin djegës dhe specin e kuq normal, vaj ulliri kripë. E mbulova dhe e lashë në frigorifer. Ndërkohë u mora me zarzavatet: i lava i qerova i griva. Domates i qërova lekurën dhe mora vetëm tulin.

Në një tenxhere hedh vajin e ulliri dhe shtoj qepën e njomë aty, kavërdis pak sa të zbutet, pastaj hedh edhe hudhrën e grirë imët, xhenxherfillin e grirë dhe vazhdoj kavërdisjen.

Shtoj pataten e ëmbël karotën dhe domaten dhe e përziej: e lë ca duke e përzier dhe në fund i shtoj lëngun e pulës, kripën, piperin, manxuranën dhe qumështin e kokosit.

I zieva rreth 15 minuta m'u desh mua në recetë thotë 20 minuta, shikojeni dhe verë. I bëra pure me shkopin magjik të guzhinës, supa del një supë krem e trashë. Në fund fare i shtova dhe lëngun e limës.

Nxeha tiganin pa vaj dhe aty hodha mishin e marinuar e poqa shpejt e shpejt nga të dyja anët dhe e nxjerr, mos e lini shumë që të thahet e të bëhet eshkë dhe nëse brenda nuk është bërë plotësisht kur e hidhni tek supa e nxehtë përfundon plotësisht nga nxehtësia e lëngut dhe del e butë.

Kështu që mos e piqni shumë mishin sa ti dalë lëngu e t'ju thahet se nuk do kishte lezet një mish eshkë. Unë e servira me brezel (i kisha në ngrirës), pra vura copat e mishit brenda, disa i lashë të notojnë sipër, i japin bukuri pjatës, vura ca dega manxurani të fresket lart, bëra ca lule karote për qejf dhe i vura lulet e isopit që kish çelur në ballkon, për bukuri dhe kontrast ngjyrash (Isopi -Hyssopus officinalis është një erëz dhe bimë mjekësore).

Por une kete recete do e provoja edhe me filto peshku, por fileton e peshkut do e marinoja ndryshe ose më saktë do e skuqja lehtë në gjalpë me erëza jeshile majdanoz, manxuranë e hudhër, por jo skuqje të fortë më tepër si zierje në gjalpë erëzash dhe në fund do e hidhje mbi supën e nxehtë, por dhe me midhje ose karkaleca mendoj do dilte po aq e mirë. Ju bëftë mirë çfarëdo varianti të përdorni !

HermesNews - ©2013

Dërgo me email | Stampo artikullin