21/08/2013 14:44:43

Konsulli grek siguron kalimin e shqiptarëve në kufi

Kthehet autobuzi me grekë në Kakavijë

(15:02) Konsulli greke ne Gjirokaster i ka telefonuar autoriteteve kufitare te Kakavijes duke thene se shtetasit shqiptare do te kalojne me pasaporta biometrike ne pikat kufitare me Greqine. Ai kerkoi qe te lejohet kalimi i shtetasve greke po ashtu. Drejtori i kufirit Admir Abrija iu pergjigj se do te zbatohet ligji.


KAKAVIJE - Qindra persona që udhëtojnë drejt shtetin helen me pasaporta dhe targa shqiptare janë ndaluar nga policia kufitare greke e Kakavijës. "Dogana greke e Kakavijës lejon vetëm ata persona që kanë leje qëndrimi dhe targa greke", tha në linjë telefonike Gentian Mullai, zëdhënës i Policisë Gjirokastër. Autoritetet greke nuk kanë dhënë një shpjegim për kthimet masive. Udhëtarët thonë se shkak për këtë sipas deklaratave të policisë fqinje është konflikti i fundit për Kishën në Përmet. E njëjta situatë është dhe në pikën kufitare të Kapshticës. Qytetarët akuzojnë shtetin shqiptar për indiferencë. Po sot pala shqiptare ka kthyer një autobuz me 50 greke në kufi. Drejtori i kufirit të qarkut Korçë Ylber Zyberi tha se u vendos marrëdhënia e reciprocitetit me Greqinë. "Do zbatojmë kriteret ligjore, me pak fjalë të njëjtat gjëra do u kërkohen dhe grekëve", tha ai.

HermesNews - ©2013

Dërgo me email | Stampo artikullin