20/08/2013 19:50:24

Rruga perjetësisht në asfaltim

nga Ardi Fraholli

ELBASAN - Ashtu rastësisht, sot m’u desh të kaloja në një rrugë të cilën kishte një kohë të gjatë nga hera e fundit që e kisha shkelur. Dikur në fillimin e disa prej fillimeve të saj, gjendej një tabelë ku shkruhej “Welcome to Shushica City”, një tabelë që dikur më kishte bërë për të qeshur. E para sepse fjala "Welcome" ishte shkruar e ndarë dhe e dyta sepse Shushica ishte fshat, jo qytet.

Askush nuk kujton me saktësi se kur, para sa vitesh, apo se kush ishte i pari që premtoi shtrimin e saj me asfalt, por tanimë askush nuk beson se ajo do të shtrohet ndonjëherë. "Përderisa nuk u shtrua për zgjedhje, s’ka për t’u shtruar ndonjëherë", më tha një banor i atij fshatqyteti.

I gjendur pak kilometra larg qytetit të Elbasanit, Shushicën e prijnë disa fshatra të vegjël, e i fundit që të lejon të futesh në të është zona turistike mëse e njohur, Bysheku.

Kjo zonë turistike në stinën që po flasim ka pikun e vizitave të saj. Turistët e zgjedhin atë për disa arsye, e ndoshta e drejte do ishin nesë më kryesoret do rendisja dy, ajrin e freskët dhe uji i burimit i bollshëm, i pashtershëm, edhe sigurisht brisk i ftohtë, të cilit nuk mund t’i rezistosh pa u ndalur në freskinë e tij.
















Por rruga që të çon në Shushicë, e në zonat përqark, është mjerisht e prishur edhe e njollosur trishtueshmërisht me premtime të stër bëra bëra vite.Zgjedhjet e fundit ishin dëshmia më e qartë se si poltika mund të tallet keqazi me një popull. Ditë para zgjedhjeve, disa punëtore, disa makineri u shfaqën nga hiçi dhe rikonstruktimi i rrugës filloi të merrte formë.

Premtimi që fatkeqësisht do mbetej sërish i tillë, ja nisi punës nga heqja e atij pak asfalti që e bënte rrugën të dukej si e tillë, i hedhur vite më parë, e më pas bërja e një trotuari, megjithëse askush nuk kishte kërkuar kaq shumë.

Vetëm asfalt kërkonin, mbushje të gropave ku makinat mos shkatërroheshin. Por jo, as këtë herë nuk ishte e thënë. Me të mbaruar zgjedhjet, punëtorët e hiçit u kthyhen në hiç, e makineritë u zhdukën sikur a thua që ato kishin qenë prej kartoni.

Tanimë ka ngelur vetëm një tabelë e fillim punimeve ku shkruhet “NDËRTIM, ASFALTIM, NDRICIM, RRUGA SHUSHICË”. E rruga mjerisht, jo vetëm që nuk u rregullua, por u bë akoma më keq. E jeta aty vazhdon po njësoj, banorë që as nuk ankohen më për të, e kur i pyet, thjesht buzqeshin. Askush nuk beson tek askush më! Historia e shtrimit të saj, tashmë është thjesht një gojdhënë.

HermesNews - ©2013

Dërgo me email | Stampo artikullin