20/08/2013 15:09:20

OKB kërkon dërgimin e misioneve të huaja në Egjipt

Organizatat ndërkombëtare kërkojnë respektimin e të drejtave të njeriut në Egjipt

GJENEVË - Kombet e Bashkuara kanë ritheksuar sot apelin për autoritetet egjiptiane, që të autorizojnë mbërritjen në vend të një ekipi ekspertësh për të drejtat e njeriut për të vlerësuar situatën në vend. ''Jemi të alarmuar për dhunën e vazhdueshme në Egjipt'', deklaroi në Gjenevë Liz Throssell, zëdhënëse e Lartë Komisariatit të Lartë të OKB-së për të Drejtat e Njeriut. ''Informacionet mbi vdekjen gjatë natës së të dielës të 36 të burgosurve, nën kujdesin e trupave policore, janë realisht shqetësuese dhe indinjuese'', theksonte Throssell. ''U përsëritim apelin tonë autoriteteve egjiptiane që të na mundësojnë dërgimin në vend të funksionarëve për të Drejtat e Njeriut të OKB-së, në mënyrë që të vlerësojnë situatën në terren'', përfundoi ajo.

HermesNews - ©2013

Dërgo me email | Stampo artikullin