18/08/2013 12:20:40

18% kredi te keqija ne Fier

Si pasojë e lojës aspak korrekte dhe gjynaheve të rrjetit bankar ndaj biznesit, ky i fundit, tashmë ka shfaqur shenja të theksuara ftohje ndaj bankave

FIER - Kryetari i Dhomës së Tregtisë Fier, Shezai Çobaj, në një prononcim ka kritikuar rrjetin bankar për politikat financiare që ka aplikuar në lidhje me kreditimin e bizneseve. Sipas tij, biznesi është kredituar me një përqindje tepër të lartë interesi, të pastudiuar, çka ka sjellë edhe rrënimin e disa bizneseve dhe rritjen e nivelit të kredive të këqija.

"Bankat nuk kanë ditur të krijojnë marrëdhënie pune dhe patneriteti me biznesin, por kanë luajtur në kurriz të tij", deklaroi Çobaj. "Interesi bankar që ka aplikuar rrjeti bankar ndaj bizneseve ka qënë shumë i lartë, duke dëmtuar jo vetëm interesat e biznesit, por edhe të vetë bankave, pasi u rrit së tepërmi niveli i kredive të këqia", u shpreh ai. Sipas Çobajt, niveli i kredive të këqija në qarkun e Fierit shkon në rreth 18%.

"Si pasojë e lojës aspak korrekte dhe gjynaheve të rrjetit bankar ndaj biznesit, ky i fundit, tashmë ka shfaqur shenja të theksuara ftohje ndaj bankave, madje, deri në divorc prej tyre", tha Cobaj. Sipas tij, biznesi po aplikon një formë të re bashkëpunimi financiar, duke kredituar njëri-tjetrin, pavarësisht rreziqeve që paraqet kjo formë. Na ndiqni dhe në Facebook

HermesNews - ©2013

Dërgo me email | Stampo artikullin