18/08/2013 12:00:46

Berlini, thirrje për paqe në Egjipt

Westerwelle bën të qartë homologut egjiptian qëndrimin e qeverisë gjermane dhe i bën thirrje për paqe

BERLIN - Ministri i Jashtëm gjerman, Guido Westerwelle bëri thirrje dje për paqe në Egjipt, pas një bisede telefonike me homologun e tij egjiptian, Nabil Fahmy. "Ministri i Jashtëm gjerman, Westerwelle ka zhvilluar pasditen e djeshme një bisedë telefonike me homologun e tij egjiptian, Nabil Fahmy mbi situatën në Egjipt", sipas një komunikate nga ministria gjermane. "Westerwelle i bëri të qartë homologut të tij egjiptian qëndrimin e qeverisë gjermane dhe i bëri thirrje veçanërisht për paqe", theksuan burimet zyrtare nga ministria. "Ai i bëri thirrje qeverisë egjiptiane, që të mos bllokojë rrugën për një zgjidhje politike dhe të rifillojë dialogun me të gjitha forcat politike", shtuan burimet zyrtare gjermane. Na ndiqni dhe në Facebook

HermesNews - ©2013

Dërgo me email | Stampo artikullin