16/08/2013 11:09:22

Egjipti, pre e dhunës ekstremiste

Franca: protestat e drejta por pa dhunë

PARIS - Dhuna në Egjipt ka krijuar një situatë tejet shqetësuese për të gjithë rajonin, me rrezikun e sjellë nga lëvizjet ekstremiste të cilat shkaktojnë rikthimin e situatave të tensionuara, deklaroi sot ministri francez i Punëve të Jashtme, Laurent Fabius. "Kur bëjmë një paralelizëm, megjithëse nuk duhet të ngatërrohemi, të ngjarjeve në Siri, Egjipt, Liban, Irak dhe ndikimin e tyre të mundshëm në konfliktin izraelito-palestinez, gjendja bëhet tejet shqetësuese", u shpreh Laurent Fabius gjatë një interviste në radion RTL. "Egjipti është një nga vendet më të rëndësishme të botës arabe", shtoi ai. "Është e domosdoshme ndalja e përshkallëzimit të dhunës në Egjipt dhe pushteti aktual duhet të përpiqet për këtë, dhe në të njëjtën kohë, është detyra e vetë protestuesve të manifestojnë paqësisht", tha ai.

HermesNews - ©2013

Dërgo me email | Stampo artikullin