16/08/2013 09:51:15

Anijet kineze hynë në ujërat Senkaku

Anijet lundruan për rreth dy orë jo më larg se 22 kilometra larg ishujve, përpara se të largoheshin

TOKIO - Katër anije të rojës bregdetare kineze hynë sot në ujërat territoriale të arqipelagut Senkaku, nën administrimin e Japonisë por të pretenduar Pekini, njoftuan rojat bregdetare japoneze. Anijet lundruan për rreth dy orë jo më larg se 22 kilometra larg ishujve, përpara se të largoheshin. Kjo ngjarje ndodh menjëherë pas përkujtimit të 68-vjetorit të kapitullimit të Japonisë më 15 gusht 1945. Me këtë rast, rreth 90 deputetë japonezë, mes të cilëve tre ministra, vizituan tempullin "Yasukuni" në Tokjo, vend i konsideruar nga kinezët si simbol i të kaluarës ushtarake japoneze. Pekini shprehu pakënaqësi ndaj kësaj vizite, edhe pse kryeministri i djathtë, Shinzo Abe nuk e vizitoi tempullin ku nderohen ushtarët e rënë në mbrojtje të vendit gjatë luftërave të fundit.

HermesNews - ©2013

Dërgo me email | Stampo artikullin