16/08/2013 07:15:07

Sa paguhet arroganca ? Punonjësit e zyrës për KI keqtrajtojnë qytetarët

Mungesë organizimi dhe profesionalizmi. Qytetarët shumë herë janë vënë në qëndër të sulmeve verbale dhe toneve të larta nga ana e punonjëseve të Kartave të Identitetit

SHKODER - Qytetarët keqtrajtohen nga punonjëset e zyrës për Kartat e Identitetit në Shkodër. "Safran Group Aleat" është firma që ka fituar tenderin për parasaportat dhe Kartat e Identitetit, por "profesionalizmi" dhe sjellja e punonjëseve të paguara prej kompanisë është në limitet e denoncimeve penale. Informacionet që personeli u jep qytetarëve mbi dokumentet që duhet të paraqesin është shumë i paqartë.

Mungesë organizimi dhe profesionalizmi. Qytetarët shumë herë janë vënë në qëndër të sulmeve verbale dhe toneve të larta nga ana e punonjëseve që flasin për raste të shitjes së identitetit të pasaportave, akuza që vetëm një gjykatës i provon. Porta kontrollohet nga një efektiv policie që shpesh herë shfaq shenja të qarta lodhjeje dhe frustrimi.

Safran është firma që në Shqipëri ka marrë përsipër identifikimin e qytetarëve dhe Kartat e Identitetit bashkë me Pasaportat Biometrike, por herët e vonë duhet të marrë përsipër dhe edukimin e personelit, para se stresi nga mosfunksionimi eficent i personelit dhe kthehen në përplasje fizike.

HermesNews - ©2013

Dërgo me email | Stampo artikullin