13/08/2013 18:44:12

Rahuli, fëmija që vetëdigjet: lëkura prodhon gaz metan

Mjekët dhe media kërkojnë të gjejnë shkakun për rastin e vogëlushit Rahul, një i porsalindur në rajonin Tamil Nadu i shtruar në Kilpauk Medical College Hospital të Chennai, për të cilin thuhet se trupi i tij përfshihet në atë që quhet vetëdjegie spontane

NEW DEHLI - Që kur lindi, para dy muajsh, trupi i tij është kapur zjarr katër herë pa shkak të dukshëm.

Në Indi, mjekët dhe media kërkojnë të gjejnë shkakun për rastin e vogëlushit Rahul, një i porsalindur në rajonin Tamil Nadu i shtruar në Kilpauk Medical College Hospital të Chennai, për të cilin thuhet se trupi i tij përfshihet në atë që quhet vetëdjegie spontane.

Sipas sa raporton Times of India, në botë gjatë 300 viteve të fundit janë rregjistruar 200 raste të tilla.

Rajeshwari, nëna e vogëlushit me origjinë nga fshati Tindavanam, shpjegon se pasi fëmija është vetëdjegur për herë të parë ajo e çoi në Villupuram Medical College, ku doktorët i thanë se Rahul është një fëmijë i shëndetshëm me organe të shëndosha.

Por në mënyrë të pashmangshme flakët janë kthyer dhe prindërit e kanë çuar të voglin në spital përsëri. Pediatria Narayana Babu që po merret me të, thotë se fëmija nxjerr nga poret e lëkurës një lloj gazi të djegshëm. Por gazi nuk është identifikuar ende.

Ish drejtori i qëndrës për djegiet kujtonte një rast të ngjashëm që ishte arkivuar 20 vite më parë dhe kishte të bënte me një 23 vjeçar.

Kalpesh Gajiwala, specialiste e Tata Memorial Hospital në Mumbai, shpjegon se për Shc ka shumë teori, por të gjitha shumë të zbehta dhe shkencërisht jo të provuara. Një hipotezë është se disa baktere mund të konvertojnë ushqimin në gaz metan.

HermesNews - ©2013

Dërgo me email | Stampo artikullin