13/08/2013 17:47:40

43 vjeçari dëmton dorën dhe syrin duke gjuajtur peshk

Policia shton se pas dhënies së ndihmës së parë në Spitalin Rajonal Lezhë, i dëmtuari është dërguar në Q.S.U. Tiranë

LEZHË - Kishte shkuar për të gjuajtur peshk, por aksidentalisht, dëmton njërën dorë dhe njërin sy. Burime zyrtare nga Drejtoria e Policisë Qarkut Lezhë, bëjnë të ditur se ngjarja në fjalë ka ndodhur mesditen e sotme në vendin e quajtur “Rana e Hedhun” komuna Shëngjin, e rrethit Lezhë, kur 43 vjeçari, Preng Ndoci, banues në lagjen “Beslidhja”, Lezhe, ka qënë duke gjuajtur peshk me lëndë plasëse me varkë në det, dhe për pasojë ka këputur njërën dorë dhe dëmtuar njërin sy. Policia shton se pas dhënies së ndihmës së parë në Spitalin Rajonal Lezhë, i dëmtuari është dërguar në Q.S.U. Tiranë, në gjendje të rëndë për një shërbim më të specializuar.

HermesNews - ©2013

Dërgo me email | Stampo artikullin