13/08/2013 12:49:31

Romët sytë nga ndërkombëtarët: ku shkuan milionat për ta ?

Tryezë e përbashkët për romët: të gjithë kërkojnë bashkepunim dhe zgjidhje ligjore. Totozahani, të përmbushim kriterin e 11-të

TIRANE - Ambasadori i BE-së, Ettore Sequi, gjatë një tryeze të rrumbullakët me Totozhanin dhe Kreun në detyrë i prezencës së OSBE-së, Robert Wilton tha se, "BE ka akorduar €3 mln Shqipërisë për romët”. Sequi tha se BE mbështet përfshirjen sociale të romëve dhe kujtoi se "një nga 12 prioritetet e integrimit është për drejtat e romëve. BE i ka akorduar 3 milionë euro Shqipërisë për romët", ndërsa shtoi se institucionet duhet të bashkëveprojnë.

"Duhet zgjidhje emergjente për çështjen e romëve...të përmbushim kriterin e 11 për marrjen e statusit", tha Igli Totozani, i cili bëri një përshkrim të situatës së familjeve rome. Në emër të Federatës së romëve, Xheladin Taço kërkoi ndihmën e ndërkombëtarëve.

Ndërsa kreu në detyrë i prezencës së OSBE-së, Robert Wilton kërkoi një zgjidhjeje afatgjatë për romët. Ai shpreh shqetësim për dëbimin e tyre nga strehimet. Wilton tha se OSBE-ja mbështet propozimet e Avokatit të Popullit. dhe theksoi rëndësinë që romët të regjistrohen, të marrin ndihmë ekonomike dhe të strehohen.

HermesNews - ©2013

Dërgo me email | Stampo artikullin