11/08/2013 15:38:48

Policia ndalon klandestinët arabë

Emigrantët po tentonin të udhëtonin drejt Vlorës me destiancion Italinë

GJIROKASTËR - rreth 40 emigrantë arabë të ardhur nga Greqia u ndaluan sot në dy aksione të ndryshme nga policia kufitare e Gjirokastrës, njoftuan burimet zyrtare. "Emigrantët janë nga Pakistani dhe Siria, ndërsa ndalimi u krye pranë fshatin Jorgucat, rreth 20 km larg Gjirokastrës", thekson policia, e cila saktëson se nga 40 kladestinë, 34 janë burra dhe 6 gra. "Emigrantët po tentonin të udhëtonin drejt Vlorës me destiancion Italinë", bënë të ditur burimet zyrtare. Policia tha se aktualisht emigrantët ndodhen nën kujdesin e policisë lokale dhe së shpejti ata do të udhëtojnë në drejtim të Durrës, pranë qendrës së trajtimit të emigrantëve të huaj. Gjatë 8-mujorit të fundit policia kufitare e Gjirokastrës ka ndaluar 60 emigrantë të huaj, kryesisht nga Afganistani, Iraku, Tunizi, Siria dhe Palestina, shtete këto që po përjetojnë tranzicionin politik.

HermesNews - ©2013

Dërgo me email | Stampo artikullin