10/08/2013 15:31:50

Toponimet greke: zgjidhet kalimi i emigrantëve në Kakavijë

Lehtësim i emigrantëve që kanë probleme me toponimet deri në 31 Gusht

ATHINE - Emigrantët shqiptarë që nuk qarkullojnë dot në të dyja anët e kufirit për shkak të toponimeve, do të udhëtojnë drejt atdheut dhe anasjelltash deri në fund të muajit, nëpërmjet Kakavijës. Lajmi u dha sot nga Drejtoria Rajonale e Kufirit dhe Migracionit për qarkun e Gjirokastrës. "Dy policitë kufitare fqinje, ranë dakord dhe firmosën sot në Janinë marrëveshjen e mirëkuptimit", tha Admir Abrija, Drejtori i policisë kufitare. Lehtësim për emigrantët që kanë probleme me toponimet deri në 31 Gusht. Në kufirin Shqipëri-Greqi, funksionojnë me kohë të plotë, dy vendkalime kufitare, ajo e Kakavijës, që ndodhet rreth 25 km larg qytetit të Gjirokastrës, në drejtim të jugut dhe, “Tre Urat”, që ndodhet rreth 22 km larg qytetit të Përmetit, në drejtim të perëndimit. Pika Sopikut, 50 km larg qytetit të Gjirokastrës, funksionon vetëm për këmbësorët.

HermesNews - ©2013

Dërgo me email | Stampo artikullin