09/08/2013 15:01:48

Dy arrestime për dhunë

Arrestime në flagrancë

TIRANË - Sipas njoftimit për shtyp të Policisë së Tiranës, nga komisariati i Policisë Nr.1 u krye arrestimi në flagrancë i shtetasit Xhemal Shaqir Haka, 53 vjec, lindur ne Krrabe dhe banues në Tiranë, i dënuar një herë për rrahje. Arrestimi i këtij shtetasi është bërë pasi bashkëshortja e tij ka depozituar një kallzim penal, sipas te cilit, bashkëshorti e ka kërcënuar me jetën, duke thyer Urdhërin e Mbrojtjes date 17.06.2013, të lëshuar nga Gjykata e Rrethit Gjyqësor Tiranë. Po nga ky komisariat është realizuar arrestimi në flagrancë i shtetasit Shpëtim Servet Braholli, 47 vjec, banues në Tiranë. Arrestimi i tij është bërë, pasi ish- bashkëshortja ka kallzuar se me datën 08.08.2013, rreth orës 22.30, në banesën e tyre ish- bashkeshorti ka ushtruar dhunë ndaj saj dhe më pas e ka kërcënuar me jetën, me një thikë dhe me armë gjahu 12 mm e markës ruse, ndërkohë që për shtetasen F.M, u plotesua dhe kërkesë - padi për lëshimin e Urdhër të Mbrojtje së menjëhershem.

HermesNews - ©2013

Dërgo me email | Stampo artikullin