08/08/2013 12:40:50

Joe Biden, rikthim i Greqisë në stabilitetin e zonës euro

K/ministri grek po përpiqet të fitojë mbështetjen e SHBA për një politikë më të orientuar drejt rritjes ekonomike, ndërkohë që vendet evropiane, sidomos Gjermania, këmbëngulin për masa edhe më të ashpra kursimi

ATHINË - Shtetet e Bashkuara të Amerikës janë të interesuara në rimëkëmbjen ekonomike të Greqisë dhe shprehin dëshirën që ky vend i prekur thellë nga kriza të qëndrojë në zonën euro, deklaroi zv.presidenti amerikan, Joe Biden gjatë një interviste. "Qeveria amerikane ka qenë gjithnjë e bindjes se është krejtësisht në interesin tonë që Greqia të jetë një vend stabël i zonës euro", u shpreh Joe Biden për të përditshmen greke, Kathimerini, para vizitës së kryeministrit grek, Antonis Samaras në Washington. "Ne na intereson suksesi i Greqisë", tha ai. Samaras do të pritet në Shtëpinë e Bardhë nga presidenti amerikan, Barack Obama pas një takimi në New York me disa investitorë.

HermesNews - ©2013

Dërgo me email | Stampo artikullin