08/08/2013 09:04:10

Plehrat: vendimi i oreve te fundit i Qeverise Berisha

Letër, qelq, gizë e hekur, rroba të përdorura dhe metale do të vijnë nga dy vendet fqinjë për tu ricikluar në vendin tonë

TIRANE - Rreth 2600 ton plehra do të vijën çdo vit nga Greqia dhe Italia në territorin shqiptar. Vendimi është marrë dje në mbledhjen e Këshillit të Ministrave dhe mban firmën e Sali Berishës.

Letër, qelq, gizë e hekur, rroba të përdorura dhe metale do të vijnë nga dy vendet fqinjë për tu ricikluar në vendin tonë. Kryeministri në ikje, Sali Berisha në ditët e tij të fundit të qeverisjes ka firmosur dy vendime me përmbajtje nga më të kundërshtuarat gjatë qeverisjes së tij; atë të importit të mbetjeve për qëllim riciklimi”.

Në vendimin e qeverisë thuhet se lejohen të importojnë mbetje shoqëria “V.A.L.E. Recycling” 2000 ton mbetje në vit nga Italia në rrugë detare dhe tokësore, si dhe “Plastica Albania” 600 tonë mbetjeve në vit me qëllim riciklimi nga Greqia.

“V.A.L.E. Recycling” është autorizuar për mbetje dhe kthime të gizës, çeliqeve, aluminit,bakrit, zinkut, plumbit, por edhe qelqit dhe mbetjeve dhe kthimeve plastike të etilenit, stirenit, vinil-kloridit, letër apo karton i rikuperueshëm, tallash dhe kthime të drurit apo dhe veshje të përdorura. Shoqëria ‘Plastika Albania” sh.p.k. është autorizuar për importin e mbetjeve të polietilenit në rrugë tokësore dhe detare nga Greqia.

Importi nga Italia/ Qeveria lejon të vijnë në Shqipëri mbetjet nga shteti i Italisë. Transporti bëhet në rrugë tokësore dhe detare, pasi të jetë plotësuar i gjithë dokumentacioni i nevojshëm ligjor për transportin ndërkombëtar të mbetjeve. Në vendim cilësohet se për çdo transfertë ndërkufitare të mbetjeve, shoqëria “V.A.L.E. RECYCLING”, sh.p.k., dorëzon të plotësuar në Ministrinë e Mjedisit, Pyjeve dhe Administrimit të Ujërave dokumentin e lëvizjes/ transfertës ndërkufitare të mbetjeve, sipas formatit të dhënë në anekset III dhe IV, bashkëlidhur vendimit nr.825, datë 13.10.2010, të Këshillit të Ministrave, të ndryshuar, dhe monitorimi i tyre të kryhet nga strukturat përkatëse të doganave. Çdo transfertë mbetjesh duhet të jetë e pajisur me raport - analizë, të kryer për aspektin e radioaktivitetit.

Importi nga Greqia/ Këshilli i Ministrave vendosi dje të lejojë importin e 600 tonëve në vit mbetje të polietilenit. Në vendim thuhet se mbetjet importohen nga shteti i Greqisë. Transporti të bëhet në rrugë tokësore dhe detare, pasi të jetë plotësuar i gjithë dokumentacioni i nevojshëm ligjor për transportin ndërkombëtar të mbetjeve, si dhe kërkesat e kreut II, të vendimit nr.806, datë 4.12.2003, të Këshillit të Ministrave, “Për miratimin e rregullave dhe procedurave për importimin e mbetjeve për përdorim, përpunim dhe riciklim”, dhe anekseve III dhe IV, bashkëlidhur vendimit nr.825, datë 13.10.2010, të Këshillit të Ministrave, të ndryshuar. Sipas vendimit për çdo transfertë ndërkufitare të mbetjeve, shoqëria “Plastika - Albania”, sh.p.k., dorëzon të plotësuar në Ministrinë e Mjedisit, Pyjeve dhe Administrimit të Ujërave dokumentin e lëvizjes/ transfertës ndërkufitare të mbetjeve, sipas formatit të dhënë në anekset III dhe IV, bashkëlidhur vendimit nr.825, datë 13.10.2010, të Këshillit të Ministrave, të ndryshuar, dhe monitorimi i tyre të kryhet nga strukturat përkatëse të doganave.Çdo transfertë mbetjesh duhet të jetë e pajisur me raport- analizë, të kryer për aspektin e radioaktiviteti

Kompanitë

“V.A.L.E. RECYCLING”

- Mbetje dhe kthime të gizës së derdhur;

- Mbetje dhe kthime të çeliqeve të lidhura; - Mbetje dhe kthime të gizës dhe çelikut të kallajisur;

- Mbetje dhe kthime të bakrit;

- Mbetje dhe kthime të aluminit;

- Mbetje dhe kthime zinku;

- Mbetje dhe kthime të plumbit;

- Qelq i thyer dhe mbetje të tjera qelqi;

- Mbetjet, prerjet dhe kthimet prej plastike: etilenit, stirenit, vinil

- kloridit;

- Letër apo karton i rikuperueshëm (mbetjedhe kthime); - Tallash, mbetje dhe kthime të drurit, nëse janë apo jo të aglomeruara në kërcunj, briketa, sfera apo në forma të ngjashme: sfera prej druri; - Veshje të përdorura dhe artikuj të tjerë veshjeje dhe kodet e listës së Bazelit: B1010, B1020, B3010, B3020, B3030, B3040, bazuar në aneksin

1, “Mbetjet e listës së gjelbër”, referuar vendimit nr.825, datë 13.10.2010, të Këshillit të Ministrave. “Plastika - Albania”, sh.p.k.,

• GH 011 ex 39 15 10 00;

• B3010, Mbetje të Konventës së Bazelit, sipas aneksit 1, “Mbetjet e listës së gjelbër”. //marre nga Shekulli//

HermesNews

Dërgo me email | Stampo artikullin