08/08/2013 08:18:43

Urimi për Festën e Bajramit

Ceremonia e faljes së Bajramit u bë si çdo vit në bulevardin

TIRANE - Besimtarët Myslimane festojnë sot Fitër Bajramin. Kjo ditë për besimtarët myslimanë është një ditë feste dhe paqeje, e cila mëshiron virtytet më të larta. Kreu i Komuniteit Mysliman, Haxhi Selim Muca uron besimtarët myslimanë shqiptarë për sa më shumë paqe dhe harmoni mes njeri-tjetrit. Një urim tjetër drejtuar besimtarëve myslimanë ka ardhur nga kreu i shtetit, Bujar Nishani i cili i ka ftuar të përqafojnë të mirën, paqen e t’i shmangen konflikteve e sherrit. "Nga një Ramazan në tjetrin Ramazan, pra nga një sakrifikim në tjetrin, nga një Bajram në tjetrin Bajram, pra nga një festë në tjetrën festë, provojmë dhe dëshmojmë efektivisht besimin ndaj Zotit. Dhe Zoti çdo herë na shpërblen. Duke na bërë më të mirë; për veten, për tjetrin, për shoqërinë. Duke na bërë më të fortë fizikisht, më të kthjellët mendërisht, më të gatshëm për sfida të tjera edhe më të vështira, që i ka jeta, i ka ekzistenca.Jo dëshpërim, jo lëndim, jo brenga. Vetëm gëzim, lumturi dhe begati, dhe bekimin e Zotit, dashurinë e Zotit, ndihmën e Zotit, paqe, dhe urtësi sjelltë për të gjithë Ju kjo ditë, ky Bajram", thuhet në mesazhin e Presidentit.

HermesNews - ©2013

Dërgo me email | Stampo artikullin