06/08/2013 12:47:09

Dyshtetësia e jashtëligjshme e misionarëve diplomatëve

Konventa e Vjenës: Të emëruarit nëpër selitë diplomatike jashtë mund të jenë emëruar në kundërshtim me nenet dhe ligjet shqiptare dhe të huaja

TIRANE - PS parashikon një reformë të thellë në selitë diplomatike jashtë, sidomos për diplomatët me dy shtetësi, çfarë përbën një shkelje flagrante të "Konventës së Vjenës për Marëdhënie Diplomatike".

Në nenin 8, pika 2 shkruhet se "anëtarët e stafit diplomatik të misionit nuk mund të caktohen nga personat që kanë shtetësinë e shtetit pritës".

Në "Rregulloren për shërbimin e jashtëm të Shqipërisë", të hartuar nga MPJ për zbatimin dhe rregullimin e veprimtarisë së shërbimit të jashtëm sipas përcaktimeve të ligjit të vitit 2003 "Për shërbimin e jashtëm në Shqipëri", në nenin 18 thuhet se diplomati nuk mund të emërohet në një mision, kur shtetësia e tij apo e bashkëshortes përkojnë me atë të vendit ku ndodhet misioni.

Ligji për Shërbimin e Jashtëm Diplomatik

Neni 22/ Përzgjedhja e shefave të përfaqësive diplomatike
1. Shefat e përfaqësive diplomatike përzgjidhen ndërmjet diplomatëve të karrierës.
2. Në këto poste mund të emërohen edhe ish-anëtarë të Këshillit të Ministrave, ish-deputetë, personalitete të fushave të ndryshme, të cilët plotësojnë kriteret e përcaktuara në këtë ligj.
3. Numri i personave të emëruar, sipas pikës 2 të këtij neni, nuk duhet të jetë më i lartë se 20 për qind e numrit të diplomatëve, që punojnë në përfaqësitë diplomatike me të njëjtin funksion. Këta persona bëjnë pjesë në shërbimin e jashtëm për aq kohë sa ushtrojnë funksionet në të cilat janë emëruar.

Neni 30/Emërimi në përfaqësitë diplomatike
1. Diplomatët emërohen në përfaqësitë diplomatike të Republikës së Shqipërisë, të akredituara në shtete të tjera, të paktën dy vjet pasi kanë marrë gradën e parë diplomatike (atashe). Ata qëndrojnë me shërbim në të njëjtën përfaqësi diplomatike, si rregull, për një periudhe 4-vjeçare.
2. Procedurat e emërimit në përfaqësitë diplomatike përcaktohen në Rregulloren për Shërbimin e Jashtëm. //HermesNews - ©2013//

Doriana Metollari

Dërgo me email | Stampo artikullin