05/08/2013 19:59:40

5000 te kthyer ne Kakavije

Pala shqiptare gjatë ditës së djeshme dhe të sotme punon me 7 sportele, 5 në hyrje dhe 2 në dalje

KAKAVIJE - Afro 5 mijë persona, kryesisht emigrantë shqiptarë që jetojnë në Greqi, janë kthyer në atdhe për pushimet e verës gjatë 14 orëve të fundit nëpërmjet vendkalimit kufitar të Kakavijes, rreth 25 km larg qytetit të Gjirokastrës, ndërsa 2000 persona kanë dalë në territori shqiptar, thuhet në komunikatën e policisë kufitare. Sipas te njejtit burim, pala shqiptare gjatë ditës së djeshme dhe të sotme punon me 7 sportele, 5 në hyrje dhe 2 në dalje, ndërsa dogana greke punon me 4 sportele, 2 në dalje dhe 2 në hyrje. Policia tha gjatë qarkullimit në të dyja anët e kufirit nuk janë krijuar rradhë të gjata. Në prefekturën e qarkut të Gjirokastrës, krahas pikës së kalimit kufitar të Kakavijës, funksionon me kohë të plotë dhe pika kufitare "Tre Urat", rreth 22 kilometra larg qytetit të Përmetit. Ndërsa pika kufitare e Sopikut në komunën e Pogonit, rreth 50 kilometra larg qytetit të Gjirokastrës, funksionon vetëm për këmbësorët.

HermesNews - ©2013

Dërgo me email | Stampo artikullin