04/08/2013 10:59:54

Nipi plagos babë e bir

Forcat e policisë po punojnë për kapjen e autorit të ngjarjes së rëndë, ndërsa të plagosurit janë dërguar në spitalin rajonal të Durrësit

DURRËS - Dy persona, babë e bir, banues në fshatrat e Durrësit janë plagosur të Shtunën në mbrëmje me armë zjarri, ndërsa dyshohet se autor i krimit është një i afërm i familjes dhe se krimi ka ndodhur për motive të dobëta. Burime zyrtare nga drejtoria e policisë së qarkut, bënë të ditur se ngjarja e rëndë ku janë përfshirë anëtarët e së njejtës familje ka ndodhur në Rrushkull, të bashkisë së Sukthit, 35 km në veri të Durrësit. Burimet shtuan se Gjon dhe Renato Zefi, përkatësisht 54 dhe 20 vjeç janë plagosur me armë zjarri, pas një grindjeje me djalin e xhaxhait të 54-vjeçarit. Burimet saktësuan se Petraq Zefi, rreth 50 vjeç, ka qëlluar në drejtim të kushërinjve të tij, pas një grindjeje që ka patur si shkak fëmijët e tyre.

HermesNews - ©2013

Dërgo me email | Stampo artikullin