03/08/2013 18:59:43

Kroaci, 13 te plagosur ne aksident

Personat e plagosur nga aksidenti, që ndodhi pranë qytetit Drnis, rreth 220 kilometra, në juglindje të Zagrebit, ishin pasagjerë të autobusit

ZAGREB - Të paktën 13 persona u plagosën sot duke përfshirë dy në gjendje të rëndë, kur një autobus u godit nga një tren, në jug të Kroacisë, bënë të ditur burime zyrtare vendase. "Të gjithë personat e plagosur nga aksidenti, që ndodhi pranë qytetit Drnis, rreth 220 kilometra, në juglindje të Zagrebit, ishin pasagjerë të autobusit", theksuan burimet zyrtare kroate. "Të plagosurit u shtruan të gjithë në spital dhe dy prej tyre janë në gjendje kritike", shtuan burimet zyrtare vendase. Burimet vendase nuk dhanë hollësi të mëtejshme mbi shkaqet e aksidentit.

HermesNews - ©2013

Dërgo me email | Stampo artikullin