02/08/2013 16:07:35

Snowden tek amerikanët që i njohu në internet

Ish-konsulenti i Agjencisë Kombëtare të Sigurisë i shpallur në kërkim nga autoritetet amerikane po shqetësohet tej mase mbi sigurinë e tij personale pas marrjes së azilit

ROMË - Avokati i ish-konsulentit amerikan, Edward Snowden tha se pas qëndrimit për më shumë se një muaj në aeroportin e Moskës, ai mori të drejtën azilit të përkohshëm në Rusi ku do të qëndrojë me disa miq amerikanë që njohu nëpërmjet internetit, njoftoi faqja zyrtare e CNN. "Snowden ka njohur shumë miq këtu dhe të qenit në kontakt të vazhdueshëm me këta amerikanë që jetojnë në Moskë është shumë pozitive për të", deklaroi përfaqësuesi ligjor i Snowden, Anatoly Kucherena. Sipas avokatit të tij, ish-konsulenti i Agjencisë Kombëtare të Sigurisë i shpallur në kërkim nga autoritetet amerikane po shqetësohet tej mase mbi sigurinë e tij personale pas marrjes së azilit. Rusia i dha ish-konsulentit amerikan të drejtën e azilit të përkohshëm një-vjeçar, ndërkohë që SHBA u shpreh tejet e zhgënjyer mbi vendimin në fjalë.

HermesNews - ©2013

Dërgo me email | Stampo artikullin