01/08/2013 15:27:05

Shendetsi, kartele dixhitale vaksinimi

Projekti është në fazën e trajnimit të personelit përgjegjës si edhe në fazën e hedhjes së të dhënave në regjistrin dixhital

KORÇË - Së shpejti në bazë të një projekti të iniciuar nga Instituti i Shëndetit Publik, çdo fëmijë deri në moshën 14 vjeç do të ketë kartelën e tij të vaksinimit edhe në formë dixhitale. Sipas epidemiologes, Merita Kroi, ky projekt do të sjellë mjaft lehtësira si për personelin mjekësor, ashtu edhe për prindërit. Gjithë informacioni i nevojshëm përsa i përket vaksinimit të fëmijëve deri në moshën 14 vjeç, do të jetë i disponueshëm edhe në internet. Ky është një projekt në rang kombëtar i iniciuar nga Instituti i Shëndetit Publik dhe ka si synim kryesor dixhitalizimin e të dhënave mbi vaksinimin, në mënyrë që prindërit të informohen në nje kohë sa me te shpejte për fëmijët. “Qëllimi kryesor i sistemit informativ të vaksinimit, bazuar në internet, është të dixhitalizojë të gjithë të dhënat që disponohen në programin e vaksinimit. Pra, ka për qëllim që çdo familje të marrë informacionin e duhur nëpërmjet internetit duke u regjistruar me kartën e identitetit të kujdestarit për këtë familje dhe aty do marrë të dhënat kur ka vaksinën, të lidhet direkt me programin dhe me kalendarin e vaksinimit”, është shprehur Kroi. Aktualisht, projekti është në fazën e trajnimit të personelit përgjegjës si edhe në fazën e hedhjes së të dhënave në regjistrin dixhital.

HermesNews - ©2013

Dërgo me email | Stampo artikullin