31/07/2013 19:12:33

Arsye pse shqiptarët mund të kthehen

nga Doriana Metollari

HermesNews - Shqiptarët që jetojnë jashtë kufinjve dhe kthehen nuk e dinë por qoftë me eksperiencën e tyre ndihmojnë në përmirësimin e realitetit shqiptar. Ata sjellin vlera dhe impenjimi në ruajtjen e mirëqënies, apo dimensiontit të lirisë së fituar ndikon në ndryshim. Duke treguar atë çfarë realisht janë, në fakt bëjnë që Shqipëria të kthehet në diçka tjetër, pra ndryshojnë jetën këtej. Nuk them që impakti i parë me Shqipërinë këtej është mikpritës. Ndryshon infrastruktura, dhe ''takimi'' që shteti dhe burokracia shqiptare ka me të renë nuk është pozitiv. Ajo që shoqëria u ofron te ardhurve është kthimi i shumë viteve pas.


As njëra apo tjetra palë nuk janë gati të gjejnë rrugë e mesme të komunikimit. Të ardhurit kanë parë më shumë, shqiptarët nuk janë gati të vënë në dyshim siguritë fallso që i kanë vënë vetes dhe rregullat e demokracisë i sjellin probleme me kufinjtë që shpesh herë nuk i njohin sepse jetojnë në anarki. Dëgjoj që shpesh të ardhurit as makinën nuk e drejtojnë në trafik. Realiteti që gjejnë nuk i bën të ndjehen mirë dhe një pjesë e madhe kthehet.

Personalisht gjeta kaos, patjetër. Një kaos të paparë, por në gjithë këtë kaos, unë kuptova se liria është gjëndje e të qënit dhe jo e të paturit. Askush nuk e di nga ata që kthehen, por thjesht idea e të jetuarit me këtë dimension jashtë vendit, bën që po ky dimension energjie, të inserohet dhe brenda vendit.

Nuk ka arsye pse një pjesë e mirë e shqiptarëve jashtë t'i përshtatet prapë këtij realiteti sepse ky realitet nuk bën pjesë më në llogjikën e tyre. E para sepse shqiptarët jashtë janë shumë dhe i gjithë ky numër nëse do ta bëjë ndryshimin e bën.

Unë nuk e si nëse të kthehesh e të jetosh në Shqipëri është me vend për cilindo, nuk ia kam idenë. Por di që kudo që të jetosh dhe kudo që vendos të jetosh, nëse nuk je gati brenda teje ta bësh, bota jashtë, të jep shumë pak mundësi.

HermesNews - ©2013

Dërgo me email | Stampo artikullin