31/07/2013 11:52:27

Skuadra që do udhëheqë Shqipërinë

Rama prezanton ministrat

TIRANE - Kryetari i Partisë Socialiste, Edi Rama, prezantoi sot gjatë një konference për shtyp nga selia e kësaj partie, emrat e ministrave të qeverisë së re.

Kabineti i ri qeverisës, përbëhet nga përfaqësime të dy partive të mëdha të koalicionit të majtë PS dhe LSI, plus ndonjë prurje nga shoqëria civile, duke përjashtuar plotësisht aletatët e tjerë të koalicionit. Përjashtimin nga bashkëqeverisja të aleatëve, Rama e cilësoi si “përjashtim nga përgjegjësia e madhe që shqiptarët i ngarkuan PS-së dhe LSI-së, duke i konfirmuar si shumicë plebishitare më 23 qershor”.

Një tjetër argument i Ramës për përqëndrimin e qeverisë në duart e PS-së dhe LSI-së, ishte edhe mosndarja e kabinetit në parcela partiake, sic i quajti ai praktikat e mëparshme qeverisëse.

“Mjaft më me procese qeverisëse të copëtuara në parcela partiake dhe mandate qeverisëse, ku qeveria bëhet trup i vetëm të shajë opozitën në parlament”, tha ai. Rama solli si risi në këtë prezantim edhe faktin se rreth 90% e ministrave të rinj, marrin për herë të parë post ministror, apo prezencën në kabinetin qeverisës të numrit më të lartë të grave që një qeveri shqiptare ka patur ndonjeherë.

Sipas tij, qeveria e re është fryt i një dialogi intensiv me partnerin strategjik LSI dhe kreun e saj Ilir Meta, të cilin e falenderoi për frymën konstruktive në procesin e formimit të saj.


Ja emrat e Qeverise:

2 - Edi Rama, kryeministër
2 - Niko Peleshi, zv/kryeministër
3 - Saimir Tahiri, ministër i Brendshëm
4 - Mimi Kodheli, ministër i Mbrojtjes
5 - Ditmir Bushati, ministër i Jashtëm
6 – Nasip Naço, ministër i Drejtësisë
7 - Shkëlqim Cani, ministër i Financave
8 - Arben Ahmetaj, ministër i Zhvillimit Ekonomik, Tregtisë e Sipërmarrjes
9 – Damian Gjiknuri, ministër i Energjetikës dhe Industrisë
10 – Eglantina Gjermeni, ministër i Zhvillimit Urban dhe Turizmit
11 – Edmond Haxhinasto, ministër i Transportit dhe Infrastrukturës
12 – Edmond Panariti, ministër i Zhvillimit Rural
13 – Ilir Beqja, ministër i Shëndetësisë
14 – Erjon Veliaj, ministër i Mirëqënies Sociale dhe Rinisë
15 – Lefter Koka, ministër i Mjedisit
16 – Klajda Gjosha, ministër i Mjedisit
17 – Mirela Kumbaro, ministre e Kulturës
18 – Lindita Nikolla, ministre e Arsimit dhe Sportit
19 – Milena Harito, ministër Shteti për Inovacionin
20 – Ilirjan Celibashi, ministër Shteti për Marrëdhëniet me Parlamentin
21 – Bledar Çuçi, ministër Shteti për Pushtetin Vendor

HermesNews - ©2013

Dërgo me email | Stampo artikullin