30/07/2013 15:16:12

Vëllazëria, kërkesë Europës për Morsin

Kjo deklaratë zyrtare e kampit politik të ish-presidentit Morsi, u bë pas një takimi që përfaqësuesit e lartë të Vëllazërisë Myslimane zhvilluan paraditen e sotme me Catherine Ashton, në Kajro

KAJRO - Shefja e diplomacisë evropiane, Catherine Ashton zhvilloi një takim me ish-presidentin egjiptian, Mohamed Morsi, i mbajtur në izolim nga ushtria, disa orë para protestave të reja të islamikëve në Egjipt, të cilët theksuan se do të qëndronin të mobilizuar. "Ashton zhvilloi një takim me Morsin për rreth dy orë", deklaroi zëdhënësja e saj, Maja Kocijancic. "Ashton u nis nga Kajro, gjatë mbrëmjes, në bordin e një helikopteri ushtarak drejt një destinacioni të papërcaktuar, ku ish-kreu i shtetit islamik është burgosur", theksuan burime zyrtare vendase. Gjatë vizitës së saj të mëparshme në Kajro, më 17 korrik, Ashton bëri thirrje për lirimin e Morsit.


KAJRO - Vëllazëria Myslimane i ka kërkuar sot kryediplomates evropiane, Catherine Ashton "të angazhohet për arritjen e rikthimit të Mohamed Morsit në postin e presidentit të vendit", bëri të ditur zëdhënësi i Vëllazërisë, Ahmed Aref. Kjo deklaratë zyrtare e kampit politik të ish-presidentit Morsi, u bë pas një takimi që përfaqësuesit e lartë të Vëllazërisë Myslimane zhvilluan paraditen e sotme me Catherine Ashton, në Kajro. Zëdhënësi i Vëllazërisë po ashtu theksoi se protesta e mbështetësve të Morsit do të vazhdonte.

HermesNews - ©2013

Dërgo me email | Stampo artikullin