28/07/2013 19:32:28

Vriten tre persona ne Vlore

Plazhi ka qenë i mbipopulluar në momentin e ngjarjes

VLORE - Arrin në tre numri i viktimave, në ngjarjen që ndodhi rreth 40 minuta më parë në një kompleks turistik privat në qytetin e Vlorës. Burime jo zyrtare, pohuan se, mes viktimave përfshihet edhe një shtetase e huaj, gjermane, si dhe dy të rinj, respektivisht 20 dhe 33 vjeç. Ngjarja ndodhi në një kompleks turistik privat, në afërsi të vendit të emërtuar “Kalaja”, në bregdetin e Vlorës, kur një person ka qëlluar me armë zjarri automatike. Për pasojë, kanë mbetur 3 të vrarë dhe dy të lënduar, që ndodhen në spitalin e qytetit, jashtë rrezikut për jetën. Mësohet se, autori është larguar me një autoveturë, nga vendngjarja. Policia nuk bën të ditur ende emrat e viktimave.

HermesNews - ©2013

Dërgo me email | Stampo artikullin