28/07/2013 11:25:16

Greqi, arrestohet bosi i anijeve. Akuza për korrupsion

Biznesmeni 45-vjeçar Viktor Restis është dërguar në paraburgim para se të nxirret para organeve të drejtësisë

ATHINË - Policia greke arrestoi Viktor Restis, njërin nga pronarët më të mëdhenj të anijeve pasi kundër tij është ngritur akuza për evazion fiskal dhe pastrim parash. Gjykata njoftoi se biznesmeni 45-vjeçar është dërguar në paraburgim para se të nxirret para organeve të drejtësisë. Ai duhet të përgjigjet për mungesën e 5,8 milionë eurove nga borxhi i marrë nga FBB-ja (First Business Bank) që ka qenë e kontrolluar nga familja e tij, para se të mbyllej paraprakisht këtë vit. Restis ishte marrë në pyetje të martën e kaluar, por kishte hedhur poshtë të gjitha akuzat. Restis posedon shumë anije dhe kompani mediatike si dhe 40 për qind të aksioneve të gazetës greke "Proto Thema".

HermesNews - ©2013

Dërgo me email | Stampo artikullin