27/07/2013 17:00:06

Kolegji zgjedhor rinumëron kutitë e kontestuara

Përfaqësuesi ligjor i LSI-së, Ilirian Muho. Kundërshtoi rinumërimin e këtyre dy kutive

TIRANË - Kolegji Zgjedhor vendosi të rinumërojë 2 kutitë e kontestuara, pas dëgjimit të pretendimit të palëve për 2 kutitë e kontestuara nr. 0441 dhe 0446. Më herët përfaqësuesi ligjor i LSI-së, Ilirian Muho. Kundërshtoi rinumërimin e këtyre dy kutive për shkak të problemeve të regjistruara me kodet e sigurisë duke kërkuar Kolegjit të mos rinumëroi këto kuti, pasi cënohet integriteti.

"Votimi është i cenuar rëndë pasi 2 kodet që mbyllin kutinë janë prekur dhe ne kërkojmë që të mos rinumërohen. Për aq sa kohë cënohet siguria", tha Muho. Ndërsa përfaqësuesja e KQZ, Dëshira Pasku u shpreh se, “Sa i takon dy kutive të rinumërimit, 2 kode nuk korrespondojnë. Integriteti i këtyre kutive nga vendi i rinumërimit në KQZ vërtetohet në bazë të firmave që kanë lëshuar anëtarët e e KZAZ. Ne kërkojmë të hapen dhe rinumërohet.

Përfaqësuesja e PD, Ivo Kaso theksoi se, "Janë të njëjta kuti dhe kode që janë dorëzuar nga KZAZ. Në momentin e dorëzimit marrin pjesë kryetari nënkryetari dhe sekretari, janë ato që e kanë dorëzuar. Kërkojmë të thellohet hetimit, për cdo parregullsi palët të mbajnë shënim".

HermesNews - ©2013

Dërgo me email | Stampo artikullin