27/07/2013 15:00:24

Të marrësh kredi për punë

nga Doriana Metollari

TIRANE - Ai kishte paguar 5000 euro për një vend pune në shtet: kështu iu desh të merrte dy punë, me njerën lante kredinë e korrupsionit, me tjetrën çonte para familjen.

E mora vesh sot. Në Shqipëri ka shumë për të mësuar dhe për të folur. Sa keq që jemi pak që e bëjmë, të tjerët sistemohen disi, me apo pa korrupsion sistemohen ata. Paguajnë një kryetar partie, apo një kryetar komune dhe kshu dhjamosin një klasë e caktuar dhe kockojnë klasën tjetër, pra qytetarët.

Njerëzit sot janë lodhur së ushqyeri një klasë që po u pi gjak deri në kockë, së besuari në një sistem ku për të mbijetuar duhet të korruptosh dikë tjetër.

Unë besoj se qytetarët janë në grahmat e fundit të një depresioni, që nuk mund ketë më në sfond heshtjen. Fillimisht rastet janë sporadike, flas për vetëvrasjet, por në momentin kur ata nuk do fajësojnë me veten për atë që po u ndodh, zemërimin do ta shfaqin jashtë tyre. Kundër kujt ? Politikanëve të parët, institucionet dhe kshu me radhë deri në vendosjen e sistemit që shumica do.

Unë besoj se ky sistem mund të ndryshohet, por për këtë, mbi të gjitha duhen njerëz që besojnë në një të ri dhe që denoncojnë shkeljet. Shqetësohem kur shoh qytetarët kanë kthyer në mjet, mjetet me të gabuara për jetesë, dhe janë këto zgjedhje që po ua zënë frymën përditë të gjithë atyre.

Por më e keqja nuk është kjo. Më e keqja është se një pjesë e mirë nuk kanë marrë koshiencë për shkakun e vërtetë të depresionit, ndërsa pjesa tjetër ajo më e keqja, ajo që qëndron më lart se ata, nuk ka asnjë interes që njerëzit ta dinë.

HermesNews - ©2013

Dërgo me email | Stampo artikullin