26/07/2013 17:41:25

Totozani për vrasjet greke

Nga burgu i Trikallas jane arratisur 11 të denuar nga të cilet 5 shqiptarë dhe tre prej tyre kanë mbetur të vrarë nga konfrontimet me policinë greke

TIRANE - Avokati i Popullit Igli Totozani, i kërkon Ministrisë të negociojë me palën greke për dorëzimin dhe garantimin e jetës së të arratisurve nga burgjet greke. "Avokati i Popullit i bën thirrje shtetasve shqiptarë dhe autoriteteve për një zgjidhje të shpejtë të problemit, duke shmangur përdorimin e forcës që e drejta e jetës të ketë përparësi ndaj cdo lloj mase, e cila sjell pasoja fatale për humbjen e saj. Vetëdorëzimi i shtetasve shqiptarë të arratisur nga burgu do të shmangte përdorimin e mëtejshëm të forcës, i cili padyshim do të sillte humbjen e jetëve të tjera dhe do të bënte që trajtimi i problemit t'u kthehej organeve të drejtësisë. Në të njëjtën kohë Avokati i Popullit i kërkon Ministrisë së Punëve të Jashtme të Republikës së Shqipërisë dhe strukturave të saj në shtetin grek që të luajë një rol aktiv negociues në funksion të dorëzimit të shtetasve shqiptarë", tha Totozani.

HermesNews - ©2013

Dërgo me email | Stampo artikullin