26/07/2013 13:47:16

Franca zgjidh konfliktin e Shkupit

Greqia, një rajon i së cilës mban emrin e Maqedonisë, konsideron se ky emër i takon ekskluzivisht për trashëgiminë e saj historike

LUBJANË - Presidenti francez, François Hollande propozoi dje gjatë samitit të vendeve të Ballkanit Perëndimor, në Slloveni, një zgjidhje mbi mosmarrëveshjen mes Greqisë dhe Maqedonisë për emrin e kësaj të fundit.
Athina dhe Shkupi kanë mosmarrëveshje mbi emrin e Maqedonisë, që kur ish-republika jugosllave shpalli pavarësinë në vitin 1991. Greqia, një rajon i së cilës mban emrin e Maqedonisë, konsideron se ky emër i takon ekskluzivisht për trashëgiminë e saj historike. Për këtë arsye ajo bllokon përpjekjet e Maqedonisë për të hyrë në NATO me këtë emër dhe që të avancojë drejt anëtarësimit në Bashkimin Europian. Duke theksuar cilësinë e marrëdhënieve mes Francës dhe Greqisë, Hollande deklaroi se "Franca ishte e gatshme për të gjetur një zgjidhje".

HermesNews - ©2013

Dërgo me email | Stampo artikullin