25/07/2013 16:56:44

Arrestohet për ndërtim pa leje

Strukturat e Seksionit Kundër Krimit Ekonomik mbrëmjen e djeshme ekzekutuan masën e arrestit lëshuar nga Gjykata e Rrethit Gjyqësor Sarandë në ngarkim të shtetasit Sotir Dhiamandi Vito, vjeç 40, banues në Ksamil, për veprat penale 'shkatërrim i pronës' dhe 'ndërtim i paligjshëm'

SARANDË - Një shtetas 40 vjeçar u arrestua nga policia pasi kishte ndërtuar një objekt pa leje në një nga ishujt e Ksamilit. Sipas njoftimit të zëdhënësit të policisë të komisariatit të Sarandës, Dionis Dudja, "strukturat e Seksionit Kundër Krimit Ekonomik mbrëmjen e djeshme ekzekutuan masën e arrestit lëshuar nga Gjykata e Rrethit Gjyqësor Sarandë në ngarkim të shtetasit Sotir Dhiamandi Vito, vjeç 40, banues në Ksamil, për veprat penale "shkatërrim i pronës" dhe "ndërtim i paligjshëm”. Masa e sigurisë "arrest në burg" për këtë shtetas dhe një tjetër shtetas të shpallur në kërkim nga Komisariati i Policisë, është lëshuar nga Gjykata e Rrethit Gjyqësor Sarandë pas hetimeve 6 mujore të Prokurorisë dhe Policisë së Sarandës në lidhje me ndërtimet pa leje në ishujt e Ksamilit dhe shkatërrime me pasoja të pariprueshme që u janë shkaktuar atyre nga individë të ndryshëm në kohë të ndryshme.

HermesNews - ©2013

Dërgo me email | Stampo artikullin