25/07/2013 16:07:49

Dorëhiqen 25 bashkiakë të rajonit

Sipas kreut të Unionit të Bashkiakëve të Maqedonisë Qendrore, Simos DanilidHis, shumë shpejt kjo lavë dorëheqjesh do të pasohet nga largimi i të tjerë bashkiakëve që duan të shprehin opinionin e tyre kundër shkurtimit të fondeve për zonat administrative lokale të vendosura nga qeveria

ATHINË - Në shenjë proteste ndaj pushimeve nga puna të punonjësve të administrave komunale që janë pjesë e planit të kuadër të reformës drastike në sektorin publik, e ndërmarrë nga qeveria për ripërtëritjen e bilancit të shtetit, 25 nga 38 bashkiakët e rajonit të Maqedonisë Qendrore, në veri të Greqisë, kanë dhënë dorëheqjen. Kryetarët e bashkive kanë paraqitur dorëheqjet përmes një letre të përbashkët dërguar kryeministrit Adonis Samaras, zëvendëskryeministrit Evangjelos Venizelos dhe ministrave përkatës si "një shprehje e prerë e autonomisë lokale". Në letër ndër të tjera shkruhej se "autonomia lokale, për shkak të një seri dekretesh që bien ndesh me Kushtetutën, në kuadër të Autonomive Lokale dhe parimeve të Bashkimit Evropian, po merr goditje poshtëruese që çojnë drejtpërdrejt në shkatërrimin e saj".

HermesNews - ©2013

Dërgo me email | Stampo artikullin