25/07/2013 13:25:18

Presionet mbi ekonomine shqiptare: aksioni i veprimit

Sistemi bankar është kontribuesi me efektiv për rritjen ekonomike të vendit, por edhe kursimtari i kursimeve të familjeve dhe destinatori i fondeve në ekonomi

TIRANE - Guvernatori i Bankës së Shqipërisë, Ardian Fullani dhe drejtues të bankave tregtare që operojnë në vendin tonë, në prani dhe të kreut të PS-së dhe kryeministër i zgjedhur, Edi Rama, diskutuan mesditen e sotme mbi shqetësimet me të cilat përballet sistemi bankar në vend dhe sfidat e së ardhmes. Fullani tha se: "sistemi bankar është kontribuesi me efektiv për rritjen ekonomike të vendit, por edhe kursimtari i kursimeve të familjeve dhe destinatori i fondeve në ekonomi", tha Fullani. Kjo duhet te jetë një tavolinë e hapur e të sjellë në kohë reale problematikën dhe hapjen e vizionit për rritje të qëndrueshme të vendit në të ardhmen. Duke u ndalur në një panoramë të përgjithshme të zhvillimeve ekonomike, Fullani tha se sot ekonomia në vend po përballet me sfida që kushtëzohen nga presioni i brendshëm, por dhe i jashtëm, ndaj në këto kushte, tha ai, kërkohet një aksion që duhet të mbështetet në tre shtylla kryesore, ruajtjen e stabilitet makrofinanciar, zbutja e pasigurisë dhe reformat drejt BE-së.

HermesNews - ©2013

Dërgo me email | Stampo artikullin