23/07/2013 22:10:23

Cfarë parashikuan astrologët për royal-baby ?

Princi i Kembrixhit do të përmirësojë marrëdhëniet e Britanisë së Madhe me vendet e tjera, veçanërisht meato arabe

BOMBEI - Edhe pse foshnja mbretërore e Kate dhe William, princ i Kembrixhit dhe i treti në linjën trashëgimtare të fronit, është i lindur për të sunduar, thanë dy astrologë indianë që parashikuan sot se ai do të kandidonte për një mandat zgjedhor në të ardhmen.

Në bazë të datës, orës dhe vendit të lindjes, 16:24 me orën lokale më 22 korrik, në Londër, këta dy astrologë parashikuan për foshnjen, emri i të cilit akoma nuk dihet, një të ardhme politike shumë më aktive sesa ai i monarkëve britanikë të kohëve të fundit.

"Në vitin 2044 ose më vonë, ai mund të fillojë një karrierë politike dhe të kandidojë në zgjedhje", deklaroi një prej astrologëve, Raj Kumar Sharma.
"Shoh ndryshime shumë të rëndësishme për monarkinë", shtoi ai.

"Mbreti i ardhshëm mund të thyejë disa rregulla, ai mund të bëjë gjëra që nuk kanë ndodhur gjatë 200 viteve të fundit", theksoi Raj Kumar Sharma. Astrologia dhe shëruesja holistike, Larra Shah, parashikon gjithashtu se fëmija i Kate dhe William do të jetë kandidat në zgjedhje për kryeministër ose president me mundësi të mira për fitore.

"Të qenit mbret apo princ nuk do t'i interesojë dhe do të dëshirojë para së gjithash të mirën e njerëzve.", tha ajo. "Ai do të jetë i prirur drejt politikës", theksoi astrologia. Sipas Larra Shah, princi i Kembrixhit do të përmirësojë marrëdhëniet e Britanisë së Madhe me vendet e tjera, veçanërisht me ato arabe.

HermesNews - ©2013

Dërgo me email | Stampo artikullin