20/07/2013 09:55:23

Surpriza: blogeri i famshëm antiputin Aleksei Navalin kthehet në Moskë

''Dënimi i Navalnit me pesë vjet burg duhet të respektohet dhe presidenti nuk ka asnjë koment mbi këtë temë'', deklaroi dje zëdhënësi i presidentit Putin

MOSKË - Aleksei Navalni, blogeri më i njohur rus antiPutin, u kthye sot në Moskë, pas lirimit surprizë me kusht nga burgu i Kirovit, pavarësisht se ishte dënuar me pesë vjet. Navalni dhe bashkëshortja e tij mbërritën me tren nga Kirovi, 900 kilometra në lindje të Moskës. ''Dënimi i Navalnit me pesë vjet burg duhet të respektohet dhe presidenti nuk ka asnjë koment mbi këtë temë'', deklaroi dje zëdhënësi i presidentit Putin, Dmitri Peskov. "Presidenti nuk ka të drejtë të komentojë mbi një vendim të drejtësisë. Vendimet e drejtësisë duhen respektuar", shtoi ai. "Dhënia e papritur e lirimit me kusht janë në përputhje të plotë me ligjin", theksoi Peskov.

HermesNews - ©2013

Dërgo me email | Stampo artikullin