16/07/2013 17:16:25

Vret vjehrrin për pronën: plagoset e moshuara

Në këtë ngjarje ka mbetur e plagosur edhe Lefterie Koka, bashkëshortja e viktimës, e cila u dërgua në Spitalin e Sarandës

DELVINË - Një shtetas 91 vjeçar nga Delvina ka humbur jetën pasi është goditur me sende të forta nga dhëndri i tij, pas një konflikti të çastit me këtë të fundit për arsye pronësie. Policia lokale në jug të vendit bën të ditur se ngjarja ka ndodhur në një rrugicë të fshatit Karahaxh, në afërsi të banesës së 91 vjeçarit Jani Koka, pas konfliktit që viktima kishte pasur me dhëndërrin e tij, 65 vjeçarin Kristo Gjini. Referuar burimeve policore, në këtë ngjarje ka mbetur e plagosur edhe Lefterie Koka, bashkëshortja e viktimës, e cila u dërgua në Spitalin e Sarandës, ku ndodhet nën kujdesin e bluzave të bardha, ndërsa Policia e mbërritur në vendngjarje bëri të mundur ndalimin e autorit të krimit, 65 vjeçarit Gjini, ndaj të cilit rëndojnë akuzat e vrasjes dhe plagosjes me dashje.

HermesNews - ©2013

Dërgo me email | Stampo artikullin