16/07/2013 17:12:38

Rinia në sipërmarrjen e lirë: punësohen studentët në Bashki

Projekt për punësimin e të rinjve

KUKËS - Bashkia e Kukësit do t’u vijë gjithnjë në ndihmë studentëve që sapo mbarojnë studimet e larta për t’u mundësuar startin e punës në administratë. Kjo u theksua në ceremoninë e punësimit të përkohshëm për një muaj e gjysmë të 24 studentëve në administratën e bashkisë së Kukësit. Kryetari i bashkisë, Hasan Halilaj, duke u uruar punë të mbarë 24 studentëve, theksoi se është viti i 7-të që kjo nismë e bashkisë po realizohet në bashkëpunim me shoqatën "Rinia në sipërmarrjen e lirë". Drejtori ekzekutiv i shoqatës "Rinia në sipërmarrjen e lirë", Rifat Demalia, bëri të ditur se kontrata e punës së këtyre studentëve zgjat 45 ditë. Zbatimi prej vitesh i këtij projekti ka mundësuar që jo pak prej punonjësve aktualë të administratës shtetërore ta nisin punën në administratën e bashkisë përmes këtij projekti.

HermesNews - ©2013

Dërgo me email | Stampo artikullin